Դիսկալկուլիան ուսուցման խանգարում է, որը վերաբերում է թվերի, հաշվարկների և մաթեմատիկական գործողությունների ընկալման և կիրառման դժվարություններին։ 

Դիսկալկուլիայի հիմնական առանձնահատկությունները`

• Երեխան դժվարանում է հիշել թվերի հաջորդականությունը (օր.՝ հեռախոսահամարներ, ամսաթվեր)
• Հասկանալ քանակների հարաբերությունները («ավելի շատ», «ավելի քիչ»)
• Կատարել պարզ գումարում կամ հանում առանց օգնության
• Սովորել բազմապատկման աղյուսակը
• Ճանաչել ժամացույցի վրա ժամանակը
• Օգտվել փողից կամ ճիշտ հաշվել մնացորդը

Նյարդաբանական հիմքը
Դիսկալկուլիան կապված է գլխուղեղի առանձնահատկությունների հետ։ Տուժած են լինում քանակական ընկալման և թվային վերլուծության համար պատասխանատու կենտրոնները։

Երեխաների մոտ դիսկալկուլիայի նշաններն են

• Թվերը շփոթում է տեղերով (օր.՝ 15-ի փոխարեն գրում է 51)
• Հաշվելու համար միշտ օգտագործում է մատները
• Խճճվում է ժամերի, օրերի, ամսաթվերի մեջ
• Երեխաները ունենում են ցածր առաջադիմություն մաթեմատիկայից, բայց նշանակալիորեն բարձր մյուս առարկաներից։

Ինչպես օգնել
Նախ և առաջ հարկավոր է խրախուսել երեխային, ոգևորել անգամ չնչին հաջողության համար։
Չբարկանալ, երբ նա օգնության է դիմում իր մատներին, ընդհակառակը, կարելի է նկարել թղթի վրա  տարբեր գույների շրջանակներ, փայտիկներ և այլն։
Հարկավոր է զարգացնել տեսողական ընկալումը, քանզի նրանց մտածողությունը պատկերավոր է։ Այդ նպատակով կիրառվում են  գրաֆիկական նյութեր, գծապատկերներ, գունային սխեմաներ։
Դիսկալկուլիան հաղթահարելու համար իրականացվում են լոգոպեդական և նեյրոպսիխոլոգիական աշխատանքներ որոնք զարգացնում են երեխայի տարածական մտածողությունը, հիշողությունը և ուշադրությունը։

098-08-51-51

12 Նոյեմբերի 2025, Չորեքշաբթի