Դիագնոստիկա
Հոգեբանական ախտորոշումը մասնագիտական գործընթաց է, որի նպատակն է ուսումնասիրել անձի հոգեբանական առանձնահատկությունները, ներքին վիճակը, մտածողության, հույզերի, վարքի և անհատական զարգացման յուրահատկությունները։ Այն իրականացվում է գիտականորեն հիմնավորված մեթոդների միջոցով և հնարավորություն է տալիս ստանալ ամբողջական պատկեր մարդու հոգեբանական կառուցվածքի մասին։
Հոգեբանական ախտորոշման կարող են դիմել՝
• մեծահասակներ, ովքեր ցանկանում են ավելի լավ ճանաչել իրենց,
• անձինք, ովքեր բախվում են տագնապի, սթրեսի, ներքին լարվածության, ինքնագնահատականի կամ հարաբերությունների դժվարությունների,
• ծնողներ՝ իրենց երեխաների հոգեբանական վիճակը, վարքային կամ հուզական առանձնահատկությունները հասկանալու նպատակով,
• երեխաներ և դեռահասներ՝ ուսումնական, հարմարվողական կամ վարքային խնդիրների դեպքում։
Հոգեբանական ախտորոշումը նախատեսված է՝
- անձի հոգեբանական վիճակի գնահատում
- հուզական, վարքային կամ անձնային դժվարությունների պատճառների դուրս բերում
- անհատական զարգացման առանձնահատկությունների բացահայտում
- հետագա հոգեթերապիայի, խորհրդատվության կամ զարգացման ծրագրի արդյունավետ ուղղության որոշում
- կրթական, մասնագիտական կամ անձնական նպատակներով (օրինակ՝ ուսումնական դժվարություններ, ինքնաճանաչում, որոշումների կայացում)։
Հոգեբանական ախտորոշումն իրականացվում է մասնագիտացված, գիտականորեն հաստատված մեթոդների միջոցով։
Մեծահասակների համար կիրառվում են՝
• ստանդարտացված հոգեբանական թեստեր,
• անհատական հարցաթերթիկներ,
• կառուցվածքային և կիսակառուցվածքային հարցազրույցներ։
Երեխաների համար կիրառվում են՝
• տարիքին համապատասխան մասնագիտական թեստեր,
• պրոյեկտիվ մեթոդներ (նկարչական, խաղային և այլ ձևաչափերով),
• դիտարկում և մասնագիտական վերլուծություն։
Ախտորոշման ավարտից հետո տրամադրվում է գրավոր մասնագիտական եզրակացություն, որտեղ մանրամասն ներկայացված են՝
• թեստավորման արդյունքները,
• անձի հոգեբանական առանձնահատկությունները,
• հուզական և անձնային պրոֆիլը,
• ընդհանուր հոգեբանական պատկերը։
Եզրակացությունը տրամադրվում է թղթային տարբերակով և կարող է օգտագործվել անհատի կողմից հետագա անձնական, կրթական կամ մասնագիտական նպատակների համար։
Երեխաների դեպքում եզրակացությունը կազմվում է մասնագետի կողմից՝ ուսումնասիրելով երեխայի ամբողջական հոգեբանական պատկերը և անհրաժեշտության դեպքում տրամադրվում են նաև մասնագիտական խորհուրդներ ծնողներին։
Գրանցվել խորհրդատվության
